Një shtetas nga Zelanda e Re që luftonte në vijën e frontit në Ukrainë, është vrarë në fushë-betejë.
Mediat e huaja bëjnë me dije se ai është vrarë në një aksion, teksa përballeshin me forcat ruse.
Kane Te Tai, i njohur si “Breshka” për miqtë e tij, ishte një veteran i Ushtrisë së Zelandës së Re, i cili sipas prindërve të tij kishte shërbyer më parë në Afganistan.
Te Tai, i cili ka një vajzë 12-vjeçare, ishte në kontakt të rregullt me miqtë në mediat sociale ndërsa ishte në Ukrainë, por kohët e fundit kontaktet “u zhdukën”.
Nëna e tij e përshkroi atë si një njeri kompleks i cili “ka qenë gjithmonë shumë i frymëzuar nga komuniteti” dhe nevojat e tij.
Një tjetër person nga Zelanda e Re që luftonte në Ukrainë e quajti zotin Te Tai: “Një luftëtar, ai e mori armikun përpara, ashtu si djemtë tanë në Galipoli.”
Shfaq Komentet (0)